翠園 (德福廣場) (已結業)

今日去咗好多地方拜神，最後一站嚟咗九龍灣，有埋阿媽梗係去飲茶啦! 而且今日好齊人喎! 可能太晏，成兩點半，有好多點心都係冇呀! 特別係嗰一張新春期間嘅點心紙，全部都冇嘅，但我地冇失望，仲覺得係正常。欖豉蒸鳳爪醬汁唔錯，唔會太油膩，鳳爪都幾大隻。羊城鳳凰煎米雞 有一粒蛋黃，仲要俾我偷偷咁樣攞咗添! 個蛋黃乾爭爭，不過都可以入口。米雞嘅糯米飯好煙韌呀! 入面啲材料亦都好充足，味道亦都唔會過鹹。鵝頭鳳尾香芋酥其實係炸芋角， 之前都食過，不過呢一間整得好食過之前嗰間。炸得幾脆，芋頭味都好香。酥皮龍蝦湯配蒜香春捲春捲皮炸得好脆，不過入面嘅餡料就有啲實，冇留意係啲咩嚟嘅。 龍蝦湯都夠熱。蟹肉蟹子燴伊麵有好多蟹肉和蟹子，伊麵都濕濕地，味道淡口。