影片
更多
2012-01-27
1166 瀏覽
萬里緣盆菜-不知所謂。諸君看看，上圖便是我年卄九團年飯的盆菜。從元朗萬里緣訂了年廿九送外賣送去屋企的的,收到貨時我沒有打開檢查,因為盆菜要拿去外母在柴灣家中食團年飯,晚上打開錫紙時,一望，簡直便似是隔夜餸攪埋一起。但因為是早上收的貨已經付了錢晚上才發現有這樣的問題, 已經是一肚子的氣吃的團年飯了,我之前訂年九團年飯時已經同時訂了年初三的開年飯盆菜;所以今天年衫三一早便致電萬里緣去投訴當天的盆菜外貌問題。該名女職員竟然回答：我們是賣味道不是賣外貌，痴九線，乜嘢態度呀，出問題不自己檢討，反而用那些不知所謂的理由去推塘。之後仲離譜, 居然話可能係運送過程中震盪了引致的,呃細路呀,運費連附加費要額外收200元 的12人$1200的大盆菜居然就是上圖那種樣子而職業竟然用呢種低能的解釋去推塘責任,不知所謂,之後我問該名女職員姓名，佢死都唔講，推咗比個姓李嘅女人，我叫佢絕對唔可以再重覆上圖個盆菜嘅衰樣，佢竟然回答要一視同仁，唔可以特別對待我。我真係香蕉佢個菩提子。乜x態度，到底佢係咪做生意。咁嘅做法同說話居然都得,結果我原訂4點到7點要送到嘅盆菜，送貨嘅打電話話5點到。結果5點影都無，5點半我打電話
萬里緣盆菜-不知所謂。
諸君看看，上圖便是我年卄九團年飯的盆菜。從元朗萬里緣訂了年廿九送外賣送去屋企的的,收到貨時我沒有打開檢查,因為盆菜要拿去外母在柴灣家中食團年飯,晚上打開錫紙時,一望，簡直便似是隔夜餸攪埋一起。但因為是早上收的貨已經付了錢晚上才發現有這樣的問題, 已經是一肚子的氣吃的團年飯了,我之前訂年九團年飯時已經同時訂了年初三的開年飯盆菜;所以今天年衫三一早便致電萬里緣去投訴當天的盆菜外貌問題。該名女職員竟然回答：我們是賣味道不是賣外貌，痴九線，乜嘢態度呀，出問題不自己檢討，反而用那些不知所謂的理由去推塘。之後仲離譜, 居然話可能係運送過程中震盪了引致的,呃細路呀,運費連附加費要額外收200元 的12人$1200的大盆菜居然就是上圖那種樣子而職業竟然用呢種低能的解釋去推塘責任,不知所謂,之後我問該名女職員姓名，佢死都唔講，推咗比個姓李嘅女人，我叫佢絕對唔可以再重覆上圖個盆菜嘅衰樣，佢竟然回答要一視同仁，唔可以特別對待我。我真係香蕉佢個菩提子。乜x態度，到底佢係咪做生意。咁嘅做法同說話居然都得,結果我原訂4點到7點要送到嘅盆菜，送貨嘅打電話話5點到。結果5點影都無，5點半我打電話比送貨嘅，佢話係龍鼓灘出梗嚟，我都算，結果等到6點半又係影都無，我已經好唔高興了，打電話比個送貨嘅，佢居然話佢架車喺龍鼓灘跌落坑等人救，唔知幾時到,咁嘅說話諸君有無人信。我真係嬲到飛起,我根本唔信係真,因為如果佢架車真喺龍鼓灘跌落坑等人救,甘d盆菜都已經唔駛要啦,肯定倒瀉,甘都要通知公司要同個客人解釋啦,而唔係啦聲唔出要個客人無止境等落去,6點50分再致電送貨答話仲係龍鼓灘唔知幾時到，我即刻火上加油，叫佢唔駛嚟，到7點10分我就揸車落街買餸，結果差不多7點25分盆菜才送到，我拒不收貨，因為我已經喺樓下買咗好多海鮮，我屋企人已經餓到前心貼後心啦，我點可能等一個過咗時限又唔知幾時送到嘅盆菜呀,最嬲嘅係喺8點50分個女職員居然打電話嚟問我，問我點解唔要個盆菜，到底係佢哋問題定我嘅問題，態度輕佻，唔講猶自可，一講就無名火起三千丈。我當場聲調提高八十度，話：梗係你嘅問題啦，唔通喺我呀。愈講愈有氣，佢依然輕佻地說：咁唔緊要，由佢啦、、、我即時收咗佢線。呢間嘢啲服務同質素真係差劣,列入永遠黑名單
張貼
