甘飯館 (已結業)

以往去開中環見到鏞記嘅大門，都有種望而生畏嘅感覺，結果從未幫襯過。而家嚟到甘飯館，小小嘅舖位，較為平民化嘅裝修，唔知點解硬係有啲落難太子feel...慕名而來當然要一試甘牌燒鵝，果然皮脆肉香，只係同深井名牌或一樂比較，未能令人一試難忘。燒肉皮嫌唔夠脆，肉亦唔多夠香。其他小菜欠突出感，馬拉盞炒通菜食落只有蒜蓉炒菜味，咕嚕肉甜酸度適中但唔夠香口，每塊大小亦似乎偏細。估唔到落入尋常百姓家的鏞記，只係質素中上嘅街坊小館… 不過如此變化，也許總算是一種求存方式？