魚鮮生刺身專門店 (已搬遷) 新店位置

 刺身可接受]餐廳：魚鮮生刺身專門店做完物理治療，搵個地方食午飯，好啦，呢條街（活道）嘅日本野我都想試左好耐，望一望價錢，試一間平啲嘅先，十二點九，壽司bar枱仲有位坐。一個貌似經理嘅人走過來落單，兇得來帶幾分怨氣，食乜？我以為我去咗大排檔，我估啲阿姐仲有笑容果呢度。算數啦，我來食嘢，唔係同佢做人世。叫咗一個帶子三文魚丼，有沙律，有湯，加$5可轉汽水。好啦我想轉coke zero，黑面姐姐話冇，咁算啦，我都唔敢阻住佢做生意。送餐姐姐照樣面黑，我想是這間餐廳的特色吧...前菜沙律同湯正常啦，刺身丼有四片三文魚，睇落去幾肥美，食落去冇乜味，但係可以接受啦。帶子兩粒各開半，仲有幾粒三文魚子咁。飯就係比較硬，冇乜味，$68灣仔呢個價錢，已經無所求啦，飽肚係不成問題嘅。食食吓，隔離嗰台有兩個姐姐話，碟海膽臭左喎，換二塊花魚生算啦，好彩冇叫海膽。食完飯還未到一點鐘，已經要攞飛排隊，可能有學生餐，多學生哥。總結如果唔介意黑面，可以一試。是次評級：⭐️⭐️⭐️由於本人鍾意食日本野，日本野整體評級會高少少，請讀者自行調節🙇🙇⭐️⭐️⭐️⭐️⭐️真係搭飛機都要過去食⭐️⭐️⭐️⭐️    去到果區要特登安排時間去試吓⭐️⭐️⭐️