魚眾不同酸菜魚 (花都廣場)

營業中

休息中

一開始係可以在收銀處點外賣和付款。但之後就變成要客人掃QR code網上下單，付款方式可選現場俾錢或網上俾錢。咁都算了，自己上網落單就落單。但到左而家，網上落完單後，就只能網上付錢(信用卡俾錢)！連現場俾錢都唔得！大佬吖，食果$75-$90蚊野，你要我用信用卡俾！？真係好趕客，完全浪費客人時間。唔係個個人都鍾意用信用卡俾"食飯錢" 囉！仲有之前食果幾次，5次有3次都錯野或漏野！走蒜又無走到！少油又勁多油！最離譜一次係order中的一樣食物"豆腐" 無俾到，完全漏左，外賣返到屋企打開先發現，錢就俾足，食物就甩漏。