家居軒

營業中

休息中

上排放假就同屋企人飲茶，近近地去左近大坑嗰間家居軒飲茶。好方便下，天后地鐵一出過對面馬路向右行1分鐘就會見到，樓面喺地面，飲茶位就落地下，可能有d人會唔鍾意落地下飲茶，嫌唔夠開揚，但是事啦，方便就算。以為唔會人多但原來都要等位，都等左我3、4個字。落地底飲茶都人多，甘食物質素應該ok掛。食完之後覺得點心係唔錯。鳳瓜大隻入味，仲有我最愛既稔身花生舖底。燒味都唔錯，幾靚，菜亦大條。珍珠雞餡料都多，有蛋黃。鴨腳扎都大件入味，有芋頭。牛肉腸粉ok豬肚爽口鮮竹卷我麻麻，怕油細蛋撻由細到大我都愛。鴨舌同海蜇兩樣都係我至愛。蘿白糕中規中矩。