芝加哥串燒酒場

落坊除咗飲酒外，食串燒都好正😆有見蘭桂坊新開咗間餐廳主打串燒，仲有勁多酒款飲品選擇，想劈酒定Chill飲都得，價錢合宜，不錯嘅新蒲點👍🏼同朋友各點咗一款酒，Kirin原來出咗隻Frozen beer($91)，個啤酒泡打成沙冰口感，夏天飲真係好正，係度飲到真係太好了🍺另外點咗淺間蘋果酒($108)，就好似有酒味嘅蘋果汁咁，啱晒女仔。燒豬大腸 $29————————————唔係間間串燒店都有豬大腸，依度仲要燒得好食😋有嚼勁，咀嚼一陣之後就可以完全咬開，唔洗擔心過韌，燒得好入味，正。鹽燒白鱔串 $58————————————白鱔皮灑上鹽，燒得剛好，魚皮燒得脆口，有一點點嘅煙韌，鱔嘅肉汁好香，冇帶腥嘅感覺。燒黑松露帶子 $72————————————正到爆，又大粒又軟綿綿又Juicy嘅帶子，面頭加上大量黑松露，入口超香超滿足！香蒜蔥花廣島蠔 $32————————————唔止重蒜，仲有辣粉同蔥，一啖入口，正！鹽燒牛舌心 $33————————————加上少少黑椒同少少粗鹽調味，燒完夠惹味。牛油帆立貝 $38————————————帆立貝新鮮彈牙，加上牛油同醬汁燒，正。仲點咗好多嘢食，例如甲羅