影片
更多
2023-02-01
753 瀏覽
自從壽司郞係香港開業，每次聽到朋友之間嘅討論係，排咗幾多個鐘隊😂聽到排隊以小時計，嚇怕咗，所以都無特登去食。一直係抱住有籌就拎下，有就食，無就算嘅心態。以我咁悠閑嘅心態，當然無一次食到😌等下等下東區都開分店😂分店就近電車路，每逢星期日都會經過，決定要去試一試‼️今次11:56拎籌，成功12:15入座😏✌🏻同Donki一樣，用iPad落單。但太失策🤦🏻♀️早餐飲咗咖啡打底，令戰鬥力大減三文魚牛油果卷 ($22)炙燒芝士三文魚 ($12)赤蝦 ($12)三文魚 ($17)三文魚腩(二貫) ($12)厚切天然藍緒大吞享魚腩 ($27)叫咗6款壽司，連埋加一，百幾蚊一個人。價錢好似同Donki差唔多。所有食物用輸送帶運俾客人。輸送帶分兩層，下層放推廣優惠，上層送食物。座位二人為一格，一人食客，同樣可以獨佔一格👍🏻。如果家庭要注意，每格座位中間都有固定隔板，父母一齊照顧小朋友會較為困難。食物輸送帶嘅設計係中間有一條主要軌道，每格座位有專屬嘅輸送帶出口，食物到相應嘅餐枱，就會轉入出口，似高速公路有唔同嘅出口一樣🛣️雖然每次拎食物都要企起身，但感覺衞生啲，少啲機會俾人點到食物。間唔中睇到有食客會沾污食物
聽到排隊以小時計，嚇怕咗，所以都無特登去食。
一直係抱住有籌就拎下，有就食，無就算嘅心態。以我咁悠閑嘅心態，當然無一次食到😌
等下等下東區都開分店😂
分店就近電車路，每逢星期日都會經過，決定要去試一試‼️
今次11:56拎籌，成功12:15入座😏✌🏻
同Donki一樣，用iPad落單。
但太失策🤦🏻♀️早餐飲咗咖啡打底，令戰鬥力大減
三文魚牛油果卷 ($22)
炙燒芝士三文魚 ($12)
赤蝦 ($12)
三文魚 ($17)
三文魚腩(二貫) ($12)
厚切天然藍緒大吞享魚腩 ($27)
叫咗6款壽司，連埋加一，百幾蚊一個人。價錢好似同Donki差唔多。
所有食物用輸送帶運俾客人。
輸送帶分兩層，下層放推廣優惠，上層送食物。座位二人為一格，一人食客，同樣可以獨佔一格👍🏻。
如果家庭要注意，每格座位中間都有固定隔板，父母一齊照顧小朋友會較為困難。
食物輸送帶嘅設計係中間有一條主要軌道，每格座位有專屬嘅輸送帶出口，食物到相應嘅餐枱，就會轉入出口，似高速公路有唔同嘅出口一樣🛣️
雖然每次拎食物都要企起身，但感覺衞生啲，少啲機會俾人點到食物。
間唔中睇到有食客會沾污食物輸送帶，或者掂輸送帶上食物嘅新聞🙈真心怕🙉
講返食物質素，食物新鮮。
食物送餐速度快，即使餐廳滿座，好繁忙，落單後，大約3～5分鐘，食物就會送到。
喺門口排隊嘅時候，見到其他人買外賣，即場落單，唔洗等好耐，食物就準備好。
如果以今次嘅排隊狀況，我個人覺得可以再戰，加上鰂魚涌分店係新開，環境乾淨。
不過有用餐時間限制，想慢慢坐傾計有難度。
仲未有機會食到壽司郞嘅你，希望你都可以成功食到😆
張貼
