道頓堀御好燒專門店 (新城市廣場) (已結業)

成日都想試，咁岩有朋友生日就試下啦。四個人叫左幾個餐分享。道頓堀豪華7品 ($108)有蛋，豬，蝦，墨魚仲有幾款配料。厚切牛肋肉 ($88)兩大塊厚切牛肋，唔韌，質素唔錯既。牛舌（$75)有四大片咁，真係岩岩好一人一塊。但爽口好食既，係唔夠喉囉。雜錦廣島燒 ($118)仲叫左個廣島燒，個人覺得廣島燒係最好食，入面有炒麵加埋個汁，整體感覺係最好。呢度所有餐都係要自己燒，可以根據番你食啲咩睇返教學，什至係有埋youtube教學，睇住黎燒都唔會點出錯，相反成功感仲幾大。不過又會唸，想自己落手玩下都ok, 但比錢黎食飯，下下所有野都自己做曬，其實都係想佢煮埋比我食仲開心。