蒲鍋日式燒肉火鍋專門店 (已結業)

11-5-2009從雜誌得知呢間燒肉店係厚福館 (http://www.openrice.com/restaurant/commentdetail.htm?commentid=1954090) 開出來的, 諗住應該 ok 0卦, 今日 lunch 0黎試試. 坐低先發覺原來 lunch 只供應「學生餐」, 心立即涼了半截, 唯有「穩陣」一點, 食個「和風牛肉飯」($30) 好了.先0黎熱咖啡, 好稀, 飲落一味苦澀, 跟住好酸, 三合一?「和風牛肉飯」就 (竟然) 係碟頭上, 旁邊仲有一堆雪藏雜菜, 見到都唔想食 牛肉頗0鞋頗臊, d 汁味道稍鹹, 而且係水汪汪的, 唔掂; 白飯貌似珍珠米, 不過太濕腍了. 愈食愈扁嘴, 勉強食了2/3 碟, 都係唔食了.食物唔得, 環境亦唔好得好多, 明明場內無人食烤肉0架喎, 點解成陣油煙味的? 可幸招呼 ok, 經理幾有禮貌的.放低 $30 (無加一), 速閃 -- 估唔到今次「蒲」0左入油鑊!