MYPLACE (已結業)

可能經濟低迷，又或是呢間餐廳o既老細有要求，係士丹頓街一帶呢度都算係最落力兜客o既一間餐廳。每每有人o係餐廳外面睇menu，waiter都會落足嘴頭主動游說；而我，就係其中一個俾佢成機拉o左入去o既客人。至於食物方面，我地冇叫到二百零蚊o既set dinner。想叫鵝肝，但係賣曬；卒之叫o左龍蝦湯、磨菇湯、芒果大蝦沙律、大磨菇同一客燒羊扒。個龍蝦湯OK啦，不過唔夠酒味；磨菇湯就唔錯，好fresh。至於個芒果沙律，portion細一D，冇乜特別，但係個dressing就好好味！燒羊扒都及格，可惜外層鋪o左太多黑椒，完全蓋過D羊鮮味。正當我們準備埋單o既時候，waiter忽然古古惑惑響度set table；啊！原來有Tiramisu送。味道都唔錯o丫，夠酒味同cheese味。睇o黎，E家D食肆真係花多o左心機去留客o播！