影片
更多
2023-11-09
286 瀏覽
(因為太攰冇時間影相)見星期四8:45pm，唔知旺角有咩食就打開OpenRice睇下有咩食原本搵左兩三間但係認真睇d Review就發覺都係假review 為主之後search到依間餐廳，見有d夜加上review望落OK 就啦啦臨去食算啦一坐低就有兩個侍應黎招呼，其實就係訓練緊個新人咁之後個新黎侍應嘗試幫手落單，我地兩個人叫2個Main+2杯普通嘢飲 (千層麵，辣蒜蓉燒雞，熱檸水，熱朱古力)，個侍應姐姐就無寫低就咁聽完就翻去部機度落單第一樣嘢食黎啦，黎左個 白汁帶子意粉之類+熱檸茶。之後我地話”無叫到wor，我地係叫G餐”，之後見個新仔侍應有啲徬徨，所以我地就話”算啦我哋要咗佢啦，但係幫我地換左杯檸茶做檸水，唔該”。 其實個陣間餐廳都無其他客，無可能係其他人叫嘅order咁俾錯我地…..講下碟意粉，其實同金寶忌廉湯+帶子(無煎過)+意粉 無咩分別，但係收左我$168之後我隻燒雞都黎，第一眼望…我都唔知點解係炸子雞而唔係燒雞。 可能都好食呢，我心諗… 因為要share d俾朋友食所以我開始切，切下切下，原來雞胸部份係生，粉紅色肉…我啦啦臨叫另一個侍應同佢講隻雞好生隔10分鐘之後我個fri
見星期四8:45pm，唔知旺角有咩食就打開OpenRice睇下有咩食
原本搵左兩三間但係認真睇d Review就發覺都係假review 為主
之後search到依間餐廳，見有d夜加上review望落OK 就啦啦臨去食算啦
一坐低就有兩個侍應黎招呼，其實就係訓練緊個新人
咁之後個新黎侍應嘗試幫手落單，我地兩個人叫2個Main+2杯普通嘢飲 (千層麵，辣蒜蓉燒雞，熱檸水，熱朱古力)，個侍應姐姐就無寫低就咁聽完就翻去部機度落單
第一樣嘢食黎啦，黎左個 白汁帶子意粉之類+熱檸茶。之後我地話”無叫到wor，我地係叫G餐”，之後見個新仔侍應有啲徬徨，所以我地就話”算啦我哋要咗佢啦，但係幫我地換左杯檸茶做檸水，唔該”。 其實個陣間餐廳都無其他客，無可能係其他人叫嘅order咁俾錯我地…..
講下碟意粉，其實同金寶忌廉湯+帶子(無煎過)+意粉 無咩分別，但係收左我$168
之後我隻燒雞都黎，第一眼望…我都唔知點解係炸子雞而唔係燒雞。
可能都好食呢，我心諗…
因為要share d俾朋友食所以我開始切，切下切下，原來雞胸部份係生，粉紅色肉…
我啦啦臨叫另一個侍應同佢講隻雞好生
隔10分鐘之後我個friend 都食完碟意粉，我隻雞就黎啦，我見d 切痕完全係我切，連隻雞髀分開左都係我本身切…
是因我真係好攰就食幾啖就走，隻雞翻炸完 依隻叫 辣蒜蓉燒雞 又無辣味 又無蒜味仲差過 美x,大xx d燒雞
依餐可能係過去幾年食過最難食嘅一餐，我估可能依間餐廳轉左老闆，又或者廚房轉左人，一係就假review
最後我都唔想爭拗俾錢走人，臨走前我同個阿經理小姐講話 ”生雞真係唔得，麻煩幫我同廚房講聲”，最後佢望我一眼就算，好彩個新侍應 肯講聲唔好意思，我就由得佢費事浪費時間
香港地做飲食難，我都唔係希望間嘢執笠，留個機會俾人生活，所以我希望佢地可以好好做間餐廳，煮d熟嘢俾人食 唔好食壞人
張貼