影片
更多
2018-08-29
645 瀏覽
放工行過尖東，有啲口痕就走咗入去呢一間小食店度。一心想食碗仔翅嘅，所以餐牌都未睇就先落咗碗碗仔翅，然後先發現原來呢間鋪頭出名食車仔麵……算啦下次先食車仔麵啦，心諗。碗仔翅嚟咗，都幾大喎，而且仲要好捉了！啲冬菇係好大塊嘅，仲有唔少肉絲、木耳絲、粉絲等。雖然嚟到嘅時候已經唔係好熱，但係起碼佢煲得好入味。食開有條癮，就口痕想再加啲小食。然後就揀咗豬皮豬紅。 點知嚟到碗豬皮，又完全冇豬紅，問返店員然之後我又睇吓單，先發現原來佢同我落咗一份豬皮、一份豬紅……但明明餐牌係有一份豬皮豬紅夾埋㗎嘛。佢本來想收返我碗朱紅，但係我真係已經落口好似食咗，咁佢就唯有俾返少少豬紅我😅😅豬皮口感還好、個湯雖然係味精湯，但都幾入味嘅。豬紅就還可以啦。但係呢個時候，我在食緊碗仔翅嘅時候發現有啲嘢趙唔開，一lur返出黎先發覺原來係一條橡筋😨😰😰😰😰即刻大打折扣……雖然味道還好，但係服務真係好普通、又入錯單單又唔問清楚，加埋呢條橡筋⋯，睇嚟再行過尖東都係食返第二間算……
碗仔翅嚟咗，都幾大喎，而且仲要好捉了！啲冬菇係好大塊嘅，仲有唔少肉絲、木耳絲、粉絲等。雖然嚟到嘅時候已經唔係好熱，但係起碼佢煲得好入味。食開有條癮，就口痕想再加啲小食。
然後就揀咗豬皮豬紅。
點知嚟到碗豬皮，又完全冇豬紅，問返店員然之後我又睇吓單，先發現原來佢同我落咗一份豬皮、一份豬紅……但明明餐牌係有一份豬皮豬紅夾埋㗎嘛。佢本來想收返我碗朱紅，但係我真係已經落口好似食咗，咁佢就唯有俾返少少豬紅我😅😅
豬皮口感還好、個湯雖然係味精湯，但都幾入味嘅。豬紅就還可以啦。但係呢個時候，我在食緊碗仔翅嘅時候發現有啲嘢趙唔開，一lur返出黎先發覺原來係一條橡筋😨😰😰😰😰即刻大打折扣……
雖然味道還好，但係服務真係好普通、又入錯單單又唔問清楚，加埋呢條橡筋⋯，睇嚟再行過尖東都係食返第二間算……
張貼
