四季常餐 (已結業)

今日我哋嚟到中環試下好出名嘅炒蛋，一去到門口已經見到好多人等位，果然好出名。我哋叫咗一個火腿通粉嘅茶餐，包炒蛋多士，仲叫咗個叉燒炒蛋飯，加多兩杯凍檸茶～首先講下個火腿通粉，佢個湯好濃郁、好香，而通粉都好彈牙。火腿都幾好，但如果煎一煎會更香、更好食。而佢嘅炒蛋同多士都係心機之作，多士搽咗牛油，烘的啱啱好，有麵包嘅甜味。炒蛋，佢係我食過嘅炒蛋入面算係幾細滑，落咗牛油去炒令到佢帶出蛋香之餘仲帶牛油香氣，好食！到叉燒炒蛋飯，佢今次個炒蛋比多士個個老咗少少，但都算滑嘅！佢個叉燒正正常常，又唔可以話特別好食，嚟到都係諗住食炒蛋，所以對佢個叉燒飯都冇咩期望。