澳門大利來記豬扒包 (已結業)

上次去澳門時都有去過大利來記，不過已經無晒豬仔包，剩番餐包。知道香港開咗分店，仲要係中環，店舖係擺花街，都好方便我，於是搵日行咗上去。店舖門口有大大隻豬做招牌，一眼就認得出。店內風格同澳門是完全不同，以棕色為主，木條裝飾配特式吊燈，簡約時尚。今日係星期日，一點左右人流不多，我買了大利來豬扒包同埋葡國辣魚豬仔包外賣。店員係一個紙袋放一個包，再俾多個膠袋。雖然多種保護，係坐車回家時，豬扒香氣四溢，攪到我有啲唔係幾好意思。大利來豬扒包 ($29)豬扒比豬仔包大， 豬仔包外脆內軟，豬扒煎得好香，食落好腍，肉汁都算豐富，加了香草味道，很惹味。葡國辣魚豬仔包 ($29)我都係揀食豬仔包，豬仔包一樣係外脆內軟，夾著葡國辣魚碎，咖哩味香辣，越食越開胃。我反而鍾意食葡國辣魚豬仔多啲，嘻嘻。總括而言，$29 一個包確實不算便宜，不過卻節省了去澳門嘅交通費，如果想食大利來記嘅豬仔包，又唔想去澳門走一次，都可以來試一試。