影片
更多
2008-07-27
24 瀏覽
友人生日, 星期五晚幾乎所有食肆都滿座, 壽星女想試試葡國菜, 於是就來到小飛象, 八時左右, 仍有大量吉檯, 即時入座。環境不算大, 檯與檯之間空間太少, 有點擠迫。沒什麼氣氛可言, 裝潢跟一般餐廳無異, 如果只有2-3人, 必坐卡位, 比較舒服。 經過一番商議之後, 我們點了一個四人餐、額外點了五個Side dish和Main dish。四人餐(附上餐湯和飲品各四)馬介休球配沙律：吃不出有馬介休味道, 薯球內只有少量馬介休, 事實上跟普通炸薯球沒分別, 但勝在入口香脆。沙律好HEA, 生果毫不新鮮。燒豬肋骨：賣相唔錯, 燒得幾靚仔。可惜肉質好乾好鞋, 肉的部份好少, 條骨好大。如果有SAUCE ON SIDE就好啦, 冇咁DRY。燒乳鴿：BB乳鴿, 好細隻, 沒有吃, 味道不能評。檸汁龍脷柳：打算吃的時候發覺早已給兩位男士清碟了><蒜香炒時蔬：最滿意的一碟。有西蘭花和椰菜, 炒得幾香＆爽口, 面頭鋪上炒蛋白和炸蒜, 蛋白好軟滑, 結果由女士們清碟。馬介休炒飯：飯炒得幾乾身, 不會太油, 除了馬介休的咸之外, 味精都幾重手, 咸左D, 味道一般。薯蓉田螺：小妹甚少吃田
環境不算大, 檯與檯之間空間太少, 有點擠迫。沒什麼氣氛可言, 裝潢跟一般餐廳無異, 如果只有2-3人, 必坐卡位, 比較舒服。
經過一番商議之後, 我們點了一個四人餐、額外點了五個Side dish和Main dish。
四人餐(附上餐湯和飲品各四)
馬介休球配沙律：吃不出有馬介休味道, 薯球內只有少量馬介休, 事實上跟普通炸薯球沒分別, 但勝在入口香脆。沙律好HEA, 生果毫不新鮮。
燒豬肋骨：賣相唔錯, 燒得幾靚仔。可惜肉質好乾好鞋, 肉的部份好少, 條骨好大。如果有SAUCE ON SIDE就好啦, 冇咁DRY。
燒乳鴿：BB乳鴿, 好細隻, 沒有吃, 味道不能評。
檸汁龍脷柳：打算吃的時候發覺早已給兩位男士清碟了><
蒜香炒時蔬：最滿意的一碟。有西蘭花和椰菜, 炒得幾香＆爽口, 面頭鋪上炒蛋白和炸蒜, 蛋白好軟滑, 結果由女士們清碟。
馬介休炒飯：飯炒得幾乾身, 不會太油, 除了馬介休的咸之外, 味精都幾重手, 咸左D, 味道一般。
薯蓉田螺：小妹甚少吃田螺, 這個牛油味好重, 肉質都幾爽, 起碼唔會咬唔開, 都唔錯既。
葡式海鮮意粉(X2)：預期是葡汁, 結果是茄汁來的, 感覺很像茶餐廳吃的茄汁意粉, 味道都ok, 酸酸甜甜, 幾醒胃, 不過海鮮份量好少, 洋蔥則太多有掩人耳目之嫌。卻賣$78好唔抵。
芝士白汁焗西蘭花(全名忘記了)：白汁夠杰, 芝士都蠻多, 夾起西蘭花時果然有「起司」的效果, 清淡的西蘭花中和了兩者的味道, 一點也不漏, 味道幾好。
芝士焗海鮮意粉：情侶友人遲來, 由他們獨享。這個海鮮較多, 味道方面, 他們都幾滿意。
整體食物是可以接受, 可惜質素一點也不葡式, 似茶餐廳多d, 價錢還要貴一倍。真沒法跟在澳門吃的相提並論(吃過就會有比較了)。服務都不錯, 由於有人生日(不收切餅費), servers很快清檯後給我們新的碟和刀刀叉叉食cake, 都好滿意。唯獨是一位亞姐級server全程對我們黑臉, 十問九唔應, 原因不明。
張貼
