Baker Talent

營業中

休息中

平時菠蘿包就食得多，今次要是下一個味道非常多層次嘅包包。味道有泰式風味嘅班蘭，加埋東南亞嘅椰子味道，仲有港式嘅菠蘿包味道。味道非常有層次，一次過可以俾我哋呢啲咁貪心嘅人試晒所有味道。自家製咖啡非常有心思。味道同平時喺茶餐廳飲嘅咖啡非常唔同。應該係老細喺咖啡入邊加咗啲秘製嘅味道。加重左佢東南亞式嘅風味。椰撻好足料。唔會好似係平時食開嘅餅店咁得少少椰味，滿足我哋呢個群椰子控嘅為食慾。芝士撻同椰撻一樣咁足料。雖然已經食咗好多，但係一啲都唔膩。可能佢啱啱新鮮出爐，所以味道更加之出眾。招牌D24榴槤菠蘿包係呢間餅店嘅招牌麵包。鍾意食榴槤嘅朋友一定要試吓呢個麵包。因為佢榴槤嘅味道非常之濃郁，再加埋港式菠蘿包嘅味道，令到呢個包層次在多咗一重。真係令人想一試再試。