孖寶車仔麵

營業中

休息中

葵涌廣場人氣食店之一，經過仲有下午茶餐（下午2:30至6:00），有啲肚餓入去幫襯支持一吓。下午茶：孖寶車仔麵（$44）三餸配熱飲豬大腸、牛腩、魚旦、油麵，豬大腸有咬口入味，牛腩一般般有幾舊比較嚡，魚旦好味有彈性，油麵合格。牛柏葉、牛肚、豬紅、米粉，牛柏葉雖然爽口但無咩味，牛肚煙韌唔太痴牙，豬紅普通又係伙無咩味，米粉正常。爽滑腸粉（$10），有三條，尚算滑，撈埋甜醬、麻醬、芝麻，合格之作。整體合格以上，味道OK，價錢合理。