蜀客

營業中

休息中

葵廣美食一向多，今日行行下街見到「蜀客」小食店，好似幾中國風咁，入出去睇下有咩食：涼拌小食、拌麵、其他熱小食同特飲。拌麵🍜：自選麵底及配料，多款選項逐款計錢。涼拌麵配豬耳、皮蛋、豚肉、豬肚底部有秘製醬，可選辣/唔辣。表面加上很多蔥花，更香又有口感。配料都好好食，豬耳同豬肚質感爽口但唔會過硬，而且切得薄身。有個豬手湯幾推介，湯頭奶白色飲落幾清甜；豬手件超軟身入口即溶，外面層皮大大塊好多骨膠原。特飲係透明一包包，方便飲用，酸梅湯同茶各自味道都幾好飲同解渴。