影片
更多
2022-02-04
51 瀏覽
新年去左葵廣掃街，因為最近葵涌邨爆疲再加上我早去到，所以葵廣唔算多人。行左一圈見倒哩間食雪糕漢堡幾吸引又唔貴當然要試下。佢地嘅雪糕有幾款唔同味，除左配漢堡，亦可以揀配三文治或者班戟，佢地同時仲有小食供應。因為小店得一個人負責，所以店員有時間會入左廚房準備食材，如果要落單就要撳鐘仔。朱古力雪糕漢堡+Oreo碎+朱古力醬($35) - 除左揀雪糕同麵包之外，食客仲可以揀兩款配料，我就揀左Oreo碎同朱古力醬，如果要再加配料就每款加$3。雪糕漢堡係預先切開左一半方便食，小店仲會有膠手套、叉同紙巾提供。朱古力雪糕朱味都幾濃，漢堡個質地有啲似豆沙餅個餅皮咁，幾軟熟唔會太乾，不過就算用手套食啲雪糕都好容易滴到周地都係，要食得比較小心。香芋雪糕班戟+花生碎+焦糖漿($35) - 班戟口感同漢堡差唔多，只係外形唔同，似一個打開嘅散銀包咁，因為冇切開，用叉都食倒，反而冇漢堡咁易食到啲雪糕滴晒落地，而香芋雪糕都食得出香芋味，以平價雪糕黎講都算唔錯。炸薯條(跟餐加$15) - 小食本身散叫就$25，但如果有叫雪糕就可以加$15加配。薯條份量都幾多，係幾多肉嘅粗薯，即叫即炸好夠熱又夠脆，店員仲會問我地需唔需
佢地嘅雪糕有幾款唔同味，除左配漢堡，亦可以揀配三文治或者班戟，佢地同時仲有小食供應。因為小店得一個人負責，所以店員有時間會入左廚房準備食材，如果要落單就要撳鐘仔。
朱古力雪糕漢堡+Oreo碎+朱古力醬($35) - 除左揀雪糕同麵包之外，食客仲可以揀兩款配料，我就揀左Oreo碎同朱古力醬，如果要再加配料就每款加$3。
朱古力雪糕漢堡＋Oreo碎+朱古力醬
$35
0 瀏覽
0 讚好
0 留言
雪糕漢堡係預先切開左一半方便食，小店仲會有膠手套、叉同紙巾提供。朱古力雪糕朱味都幾濃，漢堡個質地有啲似豆沙餅個餅皮咁，幾軟熟唔會太乾，不過就算用手套食啲雪糕都好容易滴到周地都係，要食得比較小心。
朱古力雪糕漢堡＋Oreo碎+朱古力醬
$35
0 瀏覽
0 讚好
0 留言
香芋雪糕班戟+花生碎+焦糖漿
$35
0 瀏覽
0 讚好
0 留言
炸薯條(跟餐加$15) - 小食本身散叫就$25，但如果有叫雪糕就可以加$15加配。薯條份量都幾多，係幾多肉嘅粗薯，即叫即炸好夠熱又夠脆，店員仲會問我地需唔需要加鹽。
炸薯條
$15
1 瀏覽
0 讚好
0 留言
總結，雪糕漢堡除左好食之外，都比想像中飽肚，如果一人食一個再加埋小食真係可以當正餐勁飽，如果想試埋其他食店，建議可以兩個人share一個。
張貼
