我是珍奶狗 (已結業)

同班friend係葵街行行下街想買杯野飲，見到呢間新開既台式飲品好盞鬼，叫自己做「我是珍奶狗」，個名好搞笑🤣。於是就吸引左我地停低諗飲咩喇🤤🤤，佢地有好多飲品揀: 珍奶、酸奶、水果茶、沙冰、冷泡茶等等👀👀，真係選擇困難症上身。-1⃣芋泥芋圓鮮牛乳💰28賣相睇落不錯，有唔少芋泥同芋圓，要比心機搞混再飲。飲落口，芋泥味係有既，牛奶偏清淡，芋圓就正正常常。-2⃣阿華田波波冰 💰 35阿華田+奶蓋+珍珠！呢個味道幾新鮮，奶蓋上面有都有阿華田粉，不過個人覺得奶蓋比例相對少，好快就飲哂同埋融係杯野入面。味道清清地，平衡番珍珠同奶蓋肥膩感。-3⃣牛油果波霸厚鮮奶 💰38朋友好貪心咁嗌左呢個，入面有牛油果、鮮奶🥛、黑糖珍珠和芝士奶蓋👀。口感層次係有既，珍珠嚼勁十足！不過我自己覺得有牛油果就怪怪的，但朋友就飲得好滋味🤣。