Something Cool (已結業)

首圖很喜歡，是製作中的模樣，朱古力雪糕球上的朱古力醬和棉花糖，射燈照落去閃閃發光。太多選擇，有選擇困難症的我左看又看全部都想試，對眼spot到一次過可滿足三個願望的三兄弟，細細舊可以咩都試d，其實份量都唔少。迷你三兄弟 ($45) 抹茶紅豆班戟，本身班戟皮偏甜，加上糖漿，整體是最甜的一款。朱古力漢堡，漢堡怪來到甜品時間都是會選漢堡，冇咁甜而且有得食麵包，朱古力雪糕內有朱古力醬和棉花糖，今次肥仔了。士多啤梨三文治，白麵包三文治經輕輕烘過。+小食 炸魷魚鬚，即刻炸熱辣辣好香無得輸，但如果炸得再乾身d就再正d。店主態度十分友善和helpful，當天所見一人打點收銀和食部份，晚上人流真算不少，某些配料已賣完，但多人支持的小店是好事啊！雪糕好快溶要即刻食用，幾有gimmick，鍾意食雪糕但又唔想太單調的不可錯過。