紫宸

營業中

休息中

去葵涌通常都會去葵涌廣場掃街覓食，不過今次約咗舊朋友傾計、聚舊，想靜靜地坐低落嚟食個飯，一於去葵芳果邊食台灣菜。呢間餐廳無論午市或晚市都全部免加一，好抵食。食物種類多樣，有主食、麵食、小食、炸物同埋台式飲品，全部都係好地道嘅台灣菜式。我哋一人嗌咗個一份主食，一份係麵類，另一款就嗌咗飯類，兩樣都可以試吓嘛～酥炸雞扒三星蔥拌麵：一向都好鍾情於台灣嘅蔥油拌麵，油香惹味。配合埋邪惡嘅炸雞扒，外皮炸到好脆口、乾身，雞扒嘅肉汁都好juicy，perfect match～嘉義雞肉飯：雞肉鋪滿了成碗飯，雞絲撕得均勻，肉質嫩滑，底下墊住一大塊煎蛋，流心狀態雞蛋黃，飯量都好夠，尤其對女仔嚟講。不過呢個蛋黃汁、鹹菜、醬汁撈埋雞絲一齊食，真係特別下飯，不知不覺就食晒成碗飯。