小確茶 (已結業)

由此店開業以來，已經幫襯過唔少次，次次都是飲黑糖珍珠鮮奶~ 其他野飲我冇試過，不知道味道如何… 不過之前有朋友試過佢地嘅珍珠奶茶，佢話覺得味道偏淡同冇乜奶茶味，口感麻麻地但我買親都是買黑糖珍珠鮮奶，好好味奶味濃，黑糖珍珠微微滲出淡淡甜香，珍珠口感剛剛好又夠煙韌 試過叫「正常冰量」、「少冰」、「微冰」同「走冰」，個人認為「走冰」個杯最好飲，因為有冰嘅話，啲冰一溶左之後就會不夠甜，可能因為個人比較喜歡飲甜少少嘅野。暫時喺葵涌廣場入面試左3間店嘅黑糖珍珠鮮奶，呢間小確茶係我飲過呢幾間店入面，最好味個間~ 而且每次去幫襯，店員都態度良好友善，非常有禮貌，值得一讚♡