壽司安

營業中

休息中

今日收工冇嘢做，就約咗朋友去葵涌廣場掃街振興下香港經濟，大大話話都好耐無去過葵涌廣場，因為屋企去呢度都有啲車程。係廣場行咗陣，見到呢間主打手卷嘅鋪頭，心郁郁就叫咗個嚟試下，手卷種類非常之多，大約有五十款咁上下，由最平嘅粟米手卷 ($11) 到最貴嘅全板海膽手卷 ($110)，價錢豐儉由人，而且仲有小食提供。最後同朋友一人一個虎蝦海膽手卷 ($35)，價錢都算合理，只係同張相就有啲落差，不過唔緊要最緊要好食就得。海膽味道甘甜，虎蝦亦幾大隻，不過紫菜就有啲淋。