Aroydee thai 船麵

營業中

休息中

今日下午要幫老闆送文件去葵涌，做完野差不多兩點。肚仔餓於是附近搵下有乜好野食。老實講吾係今日有野做，平時都好少嚟呢區。發現一間泰式小店，目測由泰國人主理。進入餐廳內發現地方甚有泰國特色，掛有大大小小藤識製品及食物相片。而坐位亦舒服寬敞。叫咗碗特色船麵（$50）配珍多冰（+$8），加份泰式沙嗲串燒豬（$28）及泰式椰汁西米糕（$4/件），埋單一百蚊有找。船湯超級濃厚重味，金邊粉彈口香滑，配料豐富，有嫩滑豬肉，豬潤，豬肉丸，通菜，芽菜，金不換，重點加咗炸豬皮，令整碗河提升另一層次，果然夠正宗泰國風味。最愛沙爹串燒，啖啖肉有炭燒香，配埋沙爹汁，夠juice 惹味。以前都成日飲珍多冰，鍾意佢夠多料又冰凍，夏天天氣熱，飲呢個立即透心涼。至於甜品西米糕內當然有西米啦、仲有粟米、馬蹄，椰汁濃郁，十分香甜好味。