茶記冰室 (已結業)

冬天除左打邊爐，最正緊係食羊腩煲!屋企附近既呢間茶記冰室原來都有羊腩煲食，約左朋友一齊黎食下!兩個人點左小羊腩煲，見到隔離枱個份都幾大份，仲送一份生菜!另外口痕點多一份椒鹽豆腐，豆腐大細適中，炸得外亂內嫩，食落仲係熱辣辣! 落埋椒鹽去炒，香脆可口👍🏻說時遲那時快，羊腩煲上枱了! 一開爐去煮已經慢慢傳出羊肉同南乳香，流哂口水!羊腩都幾多而且幾大件，係連皮既黑草羊，羊肉煮得夠腍夠入味，真係入口即溶，仲有少少起膠既感覺。除左羊肉好食，佢個腐乳醬都唔惹少! 夠香夠滑，唔會太稀可以完全沾上羊肉，微微帶咸又有少少酒香，配羊肉食超正。除左羊肉，煲入邊既竹荀，冬菇，馬蹄，枝竹都煮得好腍好入味! 尤其冬菇，大大隻吸哂南乳同羊肉香，咬落非常多汁!仲有湯飲添！