影片
更多
2024-12-15
0 瀏覽
舖頭好近地鐵站，而且個裝修係屋邨入面可以話係一個好顯眼同埋好特別嘅存在。朋友食過一次話佢啲意粉都唔錯，咁啱接佢收工，所以就嚟咗呢到食嘢。‣ 龍蝦濃湯蟹肉帶子麵 $198幾鍾意佢嘅龍蝦濃湯汁，味道好濃厚，但係又唔會話好膩。而墨汁麵條帶有淡淡嘅海洋味，質感彈牙，成個搭配都好唔錯。而蟹肉俾嘅份量都唔少，所食落去嘅時候覺得好滿足。而帶子有炙過，整體俾你感覺都係好under the sea。‣ 炸薯條配黑松露蛋黃醬 ＋$20薯條炸得金黃酥脆，最正一定係個黑松露蛋黃醬，呢個價錢呢個份量絕對冇得輸。‣ 蝦多士 ＋$20佢個多士炸得相當香口酥脆，而蝦並非平時嘅蝦膠，係放咗喺多士上面嘅蝦仁，呢個蝦多士都幾得意。作為餐點小食覺得啱啱好，可以嘗鮮又唔會嗌得太多食唔晒。‣ 香草牛油封門牛肉汁意粉 $196上枱嘅時候，店員就會幫手燒香嚿牛油佢，令到個封門牛肉更加香。牛肉肉質細嫩，加埋香草牛油真係一級棒。而牛肉汁令到成個意粉嘅味道相當之濃郁，同帶子麵啱啱好係一個對比，鍾意食比較重口味啲啲嘅朋友應該會相當滿意呢一個意粉，係相當至濃郁豐厚嘅味道。‣ 朱古力咖啡 $60甜苦交融真係永遠係我嘅至愛，咖啡香味超濃郁，但係兩
‣ 龍蝦濃湯蟹肉帶子麵 $198
幾鍾意佢嘅龍蝦濃湯汁，味道好濃厚，但係又唔會話好膩。而墨汁麵條帶有淡淡嘅海洋味，質感彈牙，成個搭配都好唔錯。而蟹肉俾嘅份量都唔少，所食落去嘅時候覺得好滿足。而帶子有炙過，整體俾你感覺都係好under the sea。
‣ 炸薯條配黑松露蛋黃醬 ＋$20
薯條炸得金黃酥脆，最正一定係個黑松露蛋黃醬，呢個價錢呢個份量絕對冇得輸。
‣ 蝦多士 ＋$20
佢個多士炸得相當香口酥脆，而蝦並非平時嘅蝦膠，係放咗喺多士上面嘅蝦仁，呢個蝦多士都幾得意。作為餐點小食覺得啱啱好，可以嘗鮮又唔會嗌得太多食唔晒。
‣ 香草牛油封門牛肉汁意粉 $196
上枱嘅時候，店員就會幫手燒香嚿牛油佢，令到個封門牛肉更加香。牛肉肉質細嫩，加埋香草牛油真係一級棒。而牛肉汁令到成個意粉嘅味道相當之濃郁，同帶子麵啱啱好係一個對比，鍾意食比較重口味啲啲嘅朋友應該會相當滿意呢一個意粉，係相當至濃郁豐厚嘅味道。
‣ 朱古力咖啡 $60
甜苦交融真係永遠係我嘅至愛，咖啡香味超濃郁，但係兩邊都唔會話好搶戲。兩者相輔相成，濃郁得嚟個口感都好順滑。面頭仲有啲朱古力波波，增加返杯咖啡嘅口感，對我嚟講就係一個甜品嘅存在，但係飲完都真係小心夜晚失眠。
‣ 青檸薄荷綠茶 $48
味道相當之清新，怕啲嘢食太過膩口嘅朋友可以嗌呢一杯，相當之清爽，而且又唔會好苦澀。雖然飲得出青檸嘅酸再加埋薄荷嘅涼爽，但係唔會太過刺激，值得一試。
張貼
