食臺

營業中

休息中

睇完戲，新都會所有餐廳都爆晒棚，於是就帶朋友試下依間平民價錢，性價比極高嘅餐廳。以前有嚟過食下午茶都好抵，今次終於有機會黎試吓個晚餐。叫左兩個set，一個係雜扒，一個係牛肋骨餐，包飲品同甜品，跟飯或意粉加$10。餐飲好大杯，一定夠飲。朋友叫既雜扒餐，係雞扒加帆立貝，佢話個醬汁偏咸，但雞扒算幾滑。另配黑椒汁意粉，意粉軟硬適中。牛肋骨揀左5成熟，都煎到剛剛好，另加$48配鵝肝，牛肋骨好香，鵝肝就一般啦。埋單$240幾蚊，個人認為性價比極高，喺葵芳新都會嘅餐廳大概都要三百幾蚊一餐，所以下次餐廳爆棚可以過嚟呢度食，步行大約3分鐘。