大滿足 (已搬遷) 新店位置

以前葵芳廣場食手卷得一間半間， 一排無黎發現竟然開多左兩間，一於試下新既呢間｢大滿足｣。叫左個油甘魚手卷（$18），即叫即做，等待時間算短， 好快有得食。紫菜夠脆，飯都煮得岩岩好唔會一粒粒黐住魚生亦好大粒鮮甜， 隔離有幾張凳畀你坐係度食，而且有唔同既醬料或沙律醬任君選擇。唯一美中不足之處係佢d魚生只係放面，唔會包裹係d 飯入面，男士如果大啖既話，面個d魚生食晒，剩低既d就只係食飯啦。