少爺18 (已結業)

LunchTime諗緊去食咩野好，新都會廣場其實真係好多野食，睇到都眼花繚亂，最後決定去試下食新加坡菜「少爺18」！幾個人叫左呢幾樣野食：「印尼炒飯拼沙嗲串燒(辣)$68」、「馬來西亞肉骨茶(藥材)配白飯$78」、「黑蘿蔔糕$25」、「咖央蝦丸$28/3粒」、「班蘭榴槤瑞士卷$28/件」，跟餐奉送「無限添飲」精選特飲(凍/熱)，今日既精選特飲係「荔枝特飲」，最好就係可以無限添飲！「印尼炒飯拼沙嗲串燒(辣)」唔食得辣既朋友注意啦，炒飯都炒得乾身，粒粒分明，沙嗲串燒係配上豬肉串，都幾惹味，好好味。「馬來西亞肉骨茶(藥材)配白飯」一上餐就聞到好香好濃既藥材味，湯水不會油膩，肉質不會太靭。「黑蘿蔔糕」好香口，甜甜酸酸，好開胃。「咖央蝦丸」三粒蝦丸配上特別既綠色醬，其實綠色既醬係咖央醬黎嫁！炸得好香口，蝦肉都食到既，但份量比較醬小。「班蘭榴槤瑞士卷」中間白色cream就係有微香既榴槤味道，配上士多啤梨加藍莓作伴碟，食完都唔會好覺得膩。「荔枝特飲」免費既都唔會有咩期望，味道不過不失，勝在可以無限添飲！