金潮小廚

營業中

休息中

呢間金潮小廚喺葵芳出名有人氣，晚飯時間通常都座無虛席。之前已經幫襯過幾次，佢嘅小菜好多都好出色。今晚又黎呢度飯聚。我哋點咗九個小菜一個飯，全部都好好食。個人最鍾意嘅幾款小菜係金沙南瓜、沙拉醬大蝦球、冰梅骨、椒鹽鮮魷同埋XO醬墨魚咀。佢嘅炸物小菜特別出色，炸物嘅脆漿又薄又鬆化。～金沙南瓜外脆內軟，南瓜香甜軟硬適中。～沙拉大蝦球隻蝦球真係超級大同埋好彈牙。～冰梅骨酸酸甜甜好開胃，外面仲有微微脆嘅口感。～椒鹽鮮魷大大隻又係啖啖肉。～XO醬墨魚咀彈牙又惹味。佢哋嘅小菜仲有好多其他嘅選擇，下次嚟又可以再試吓其他唔同款式。