上海婆婆336 (已結業)

住依頭咁耐都未食過上海婆婆，今晚終於有機會試下，晚市時間，好在早去，愈坐愈多人，平日喎都爆場，乜料LOL....原來入面裝修都幾靚，好有風格，但咩風格又嗡唔出，自己睇啦!叫左個婆婆炒菜飯、醬燒茄子、椒鹽小黃魚、蒜泥白肉，２個人係咁上下啦=)蒜泥白肉黎先，佢同出面好唔同，佢係白肉包住舊青瓜，感覺好新鮮，好Fresh，一啖一粒，蒜泥十足，加埋佢個辣汁，係正既，青瓜既口感岩岩好中和到個辣汁既油，一啖充滿勁多層次，下次一定再叫!椒鹽小黃魚，炸到好香脆，連骨都可以吞埋，入面魚肉又保持到幼滑既感覺，可惜細條左少少。醬燒茄子，味道好濃，重口味人士一定勁鐘意，送飯一流，佢個汁個味幾特別，應該似上海風味，又有少少肉碎，連埋茄子一齊送飯，幾碗都食得落=)婆婆炒菜飯，叫得婆婆應該係招牌飯掛，份量十足，2個人絕對食到飽飽，菜量適中，粒粒都炒到好平均，夠乾身，配埋其他小配料，係幾好味既，送埋醬燒茄子D汁，２個人好快咁清晒成碟。