十二味貴陽牛肉粉 (已結業)

呢間湯粉麵餐廳除咗有套餐，又可以好似車仔麵咁自己配搭啲麵加餸食，而且另外仲會有串燒。由於我食唔到辣嘢，所以套餐入面嘅涼菜我選咗蒜泥青瓜，估唔到呢個係最好食嘅，畀我印象最深刻。另外個湯底都夠濃郁，不過罐飲品就麻麻地啦，好淡唔夠清甜。難得入嚟試下呢間餐廳，咁就連佢嘅串燒都試一試啦，我平時都鍾意食燒牛舌嘅，咁見到佢個餐牌入面燒牛舌後面係冇個辣椒仔圖案所以就叫啦，點知佢嚟到嘅時候竟然係超辣，所以D牛舌我自己完全食唔到就拎咗返公司送咗畀人食啦。唔知佢係燒錯咗比我定係餐牌打漏咗隻辣椒圖案啦。