Mad for Garlic (已結業)

朋友生日,有大有細,就係想搵個舒服地方食下,座下,聚下。呢間餐廳好嘅地方係佢嘅座位超寬闊,我地一行8人再加2個小寶坐埋都仲有好多位剩,但佢燈光偏暗,小朋友會可能有啲驚。本人對蒜無特別偏好,但係都好佩服佢以蒜配搭出不同的菜式,真係蒜,全部都係蒜。餐前嘅蒜溶包好好味,好fresh,個包有好脆,正!但係就覺得佢地每個菜式嘅份量都係偏少,我地好似叫左6-7款食物後,再加多2款麵及飯食先夠飽,可能我地係大胃王掛🙊我地去個日可能人客多而侍應不足,其中有個女仔做到燥底,叫佢埋黎又唔係即刻理,請佢俾熱水俾bb開奶又黑晒面,不過其實佢嘅經理同其他侍應都算唔錯。如果愛蒜嘅朋友都可以去試下,但可能小小地三五知己總比一大班人去好。