文華饕記 (已結業)

我哋呢啲九龍人，甚少過港島行街，早排去開灣仔，行行下，忽然有啲肚餓，搵下搵下就搵到嚟呢間。一睇餐牌，毫無懸念之下叫咗個常餐嘅必食推介：雜菜牛柳粒茄湯米線，配鮮奶炒滑蛋同蒜蓉多士。本來對個蕃茄湯有啲期望，但係可能食得番茄師兄多，相比之下，呢個湯較似羅宋湯，蕃茄味唔夠純正，牛腩都有少少韌；炒蛋嘅鮮奶味雖然唔係好出，但係個蛋都算幾滑，有蛋味；成個餐最好食嘅反而係塊多士，蒜蓉味好強，好香口。總括嚟講，呢個常餐就正正常常😆。