Mad for Garlic (已結業)

依間韓國開到嚟香港專食蒜頭嘅餐廳,由小食,沙律,主菜到甜品都一定會有蒜頭。Mad for garlic招牌意大利薄餅,鋪滿大量炸蒜片,蝦,菠蘿。加上店員係面前刨出嘅大量芝士碎,就正如落雪一樣鋪滿成個Pizza。薄脆嘅Pizza配上咁多餡料後變得口感豐富,蒜味濃郁。意大利麵同樣地被鋪滿炸蒜片,帶子煮得啱啱好,而且size都幾大粒。香草忌廉汁亦夠滑順同濃厚,不過調味就過為輕左少少,可以鹹返少少。有別於一般嘅Tiramisu,要自己DIY,有三條手指餅,Mascarpone Cheese, espresso同咖啡酒。當然唔少得仲有糖漬蒜頭。可以按照自己嘅喜好配搭。