Mad for Garlic (已結業)

環境5分：舖位好大，超多位，有5行咁多，排列清晰整齊，可以畀滿分。 衛生5分：地方乾淨，餐具齊備，有兩隻碟開心share幾好呀。枱面有壺免費水自己斟，鬼佬餐廳黎講比較少見，仲驚會收錢，畀佢五分。 服務4分：接待處最好人，樓面都好快手快腳，食個晏仔大半個鐘已搞掂。 味道4分： 1)      一個餐跟沙律，有新鮮蘑菇，雜菜，Olive，菠菜仔，紫洋蔥，全部高級貨，又夠多沙律汁，跟餐可以畀五分。   2)      另外個餐跟忌廉薯仔湯，味道濃又滑滑地但唔溜，最正係面Ｄ炸蒜片。 3)      牛柳真係煮到medium rare，又鬆又軟淋，側邊Ｄ醋漬蒜頭都夠多又夠味。 4)      個意粉呢，最殺食就係四粒又軟又甜嘅帶子同勁多炸蒜喺面，要扣一分因為唔係幾夠味。5)     餐飲正常。 抵食4分：正常西餐價位。門口有糖送，食完個口唔會有一浸蒜味，加佢一分。