Mad for Garlic (已結業)

一向都係蒜頭狂熱至愛份子，無蒜不歡，喺facebook見到一間以蒜頭為主嘅餐廳， 上至前菜沙律， 下至甜品， 都可以搵到蒜頭嘅蹤影， 一向都唔怕“口臭”嘅我， 就約埋幾個朋友一齊去開餐。呢間《Mad for Garlic》 位於時代廣場食通天, 地點超級方便， 一出lift就可以見到餐廳大門。 餐廳好有韓風感覺， 門口嘅我Oppa又高大又靚仔。叫咗必食推介garlic bread tower， 唔好以為都係普通嘅蒜蓉包， 叫tower嘅原因係因為佢將法包企直放， 上面鋪滿大量生蒜熟蒜， 食之前waiter會幫我哋將個蒜蓉推入法包中心， 仲會幫我哋壓扁同切成幾份， 法包焗到脆卜卜，食落熱辣辣， 而且蒜蓉味極香， 難怪每枱嘅食客都會點啦~第二樣must點item一定係Garlic Steak, 顧名思義牛扒上面有大量大量嘅蒜蓉山， 蒜蓉嘅種有 炸蒜片，生蒜，同熟蒜， 鍾意食蒜嘅朋友真係覺得無可抗拒。 澳洲牛扒肉味香濃， 而且佈滿肉汁， 蒜片同牛扒無論口感同味道都非常匹配， 蒜片脆卜卜對比牛扒嘅嫩滑， 蒜味嘅香濃配埋牛扒嘅鮮味， 令人不禁一口蒜一口牛咁大口吃下。招牌蒜片墨西哥辣椒炒意粉都非