Mad for Garlic (已結業)

放工去咗又一城睇戲， 呢個商場小弟喺幾年前都係呢個商場入面工作， 商場入面嘅鋪頭都變咗好多， 因為商場較大唔想周圍行去搵嘢食，所以去咗水牌度睇， 見到有間叫做mad for garlic嘅餐廳 ， 睇個名就知餐廳以蒜做主題， 作為一個蒜魔既我， 去咗試下。 見到餐廳介紹， 原來呢間除咗用蒜頭嚟做主題之外， 其實佢都係一間以西式和韓國菜嘅fusion菜。Order 完有蒜蓉包做前菜。牛柳闊條麵配蒜香忌廉球傳統意式香草肉醬嘅味道， 用洋蔥，紅蘿蔔，西芹，番茄和香料煮成之外， 醬汁仲有香濃嘅牛肉味， 闊條麵幾彈牙，配蒜香忌廉球撈勻一齊食， 蒜香味再令肉醬嘅味道提升。海鮮意大利珍珠麵我之前未食過珍珠麵， 見到幾得意所以試下， 賣相有啲似西班牙海鮮飯， 分量都幾足， 帶子同蝦都幾大隻， 味道方面珍珠麵應該用咗蝦湯或者海鮮湯嚟煮， 幾重海鮮味， 珍珠麵嘅質感， 有啲似米形粉， 旁邊仲有啲炸蒜片， 可作調味。烤澳洲牛柳配原個醋漬蒜頭及秘方甜香汁牛柳order了七成熟， 肉質都幾嫩， 同埋肉味幾重， 醋漬蒜頭經過醃製之後 ，將蒜頭嘅霸道味去走不少， 醋漬蒜頭嘅味道不錯， 酸酸甜甜之外仲 保留到蒜頭嘅香