Mad for Garlic (已結業)

黎自韓國嘅 Mad for Garlic， 大部分菜式主要都係西式，例如卡邦尼意粉，蒜香忌廉汁蟹肉及龍蝦肉意粉， 但都加入左少少韓風同埋蒜去造出呢度嘅菜式。由於呢度大部分菜式都加入左蒜去調味，所以對於鐘意食蒜嘅人(即係我)黎講呢度簡直係天堂。呢度用餐位置環境開掦，岩晒行完街之後食午餐香脆魷魚圈香脆可口，周邊放左大量炸蒜片作為伴碟，中間就有蛋黃醬可以用黎調味，不過我個人就覺得魷魚圈本身已經相當夠味，唔駛用蛋黃醬亦好好味。蒜香忌廉汁蟹肉及龍蝦肉意粉用左已經拆肉嘅龍蝦肉同埋蟹肉再配上蒜粒加濃濃嘅忌廉汁，賣相一流，食落味道亦相當唔錯，而由於龍蝦肉同蟹肉份量都唔少，所以當混埋意粉一齊食都可以食得出每一口都有龍蝦肉/蟹肉，呢個粉推薦大家可以一食。經典凱撒沙律伴烤南瓜片，配脆芝士，脆煙肉粒。沙律內的生菜原條上，新鮮脆口。 烤南瓜片連皮烤，好香口。