五感日常 (已結業)

一直都好想試下蒟蒻麵，聽講蒟蒻麵低碳水，好適合為食又怕肥嘅我😛無意中發現中環開咗全港第一間嘅蒟蒻專門店！最重要佢係配埋靚湯底，食得健康之餘仲超好味！秘製滷水牛展配野生竹笙松茸菌湯蒟蒻麵一上枱已經聞到香噴噴嘅菇菌味道！湯裏面有各種各樣嘅菇菌，飲落好清甜🤩感覺好養生！滷水牛展滷得入味，口感軟腍😋花雕醉雞卷撈蒟蒻麵朋友叫嘅蒟蒻撈麵好似越式撈檬咁有好多青瓜絲、椰菜絲、花生粒😉醉雞卷花雕酒味道突出，肉質嫩滑帶點Q彈！每日鮮煲椰子海螺雞湯另外仲叫咗真材實料嘅椰子海螺雞湯！雞湯清澈，椰子鮮甜，感覺好清爽💕蒜香牛油雞翼雞翼炸到外脆內多汁，仲有牛油同蒜香！肥嘟嘟啖啖肉嘅雞翼，就連雞翼尖到有肉食🤤估唔到呢度都有得食串燒，中環嚟講真心唔貴💖燒白鰻鰻魚皮脆卜卜，鰻魚肉滑溜Juicy😛雞腎爽脆有咬口嘅雞腎，食串燒必叫啦🤓雞腿肉沙嗲醬入味，雞腿肉勁嫩滑！燒雞翼串燒版本嘅雞翼唔會燒到過分乾柴，雞皮脆卜卜！另外仲叫咗兩串蔬菜雞脾菇好濕潤&甜薯軟綿甘甜😚五感日常 (中環)中環擺花街1-7號1號廣場地下9號舖