炭家 (已結業)

星期日約左朋友去行山話專登早啲出中環食返個lunch。歌賦街呢到勁多日本餐廳，今次揀左專食蒲燒鰻魚既《炭家》餐廳採用木系裝修，門口係一個bar area，可以坐低飲下野。難得星期日都有午市定食套餐食，不過行山前想食輕盈啲，所以散嗌左幾樣野。炭家特色沙律 $120海膽、牛油果、車厘茄、蘆筍、豆、沙律菜 etc嗌呢個沙律貪佢有creamy海膽，同埋海量既牛油果。一條條綠色豆勁甜，個醬汁酸酸地好開胃。蒲燒鰻魚串 $110話明呢到專食鰻魚，咁我就算唔嗌個餐點都要嗌返串鰻魚黎試下既。關西風既整法，先將魚腹劏開，直接擺上炭爐燒。使用日本紀洲備長炭，可以將鰻魚快速加熱，將表面燒到焦香乾脆，醬汁甜，魚肉鮮嫩軟腍。出色👍🏻和牛串 $140一咬落去啲肉汁係爆出黎咁制，滿口油脂香，肉質tender😋炭燒雞皮 $48雞皮撒上七味粉，少少辣得黎好脆口。配埋淡路島鮮甜洋蔥一齊食味道一流。月見雞肉棒 $68正常發揮，啖啖肉，有蛋香。