有蒸氣 海鮮石鍋專門店 (已結業)

蒸一蒸我地海鮮控又來了，見到尖沙咀有間蒸海鮮店館，價錢又算合理，走去朝聖下。今晚我地點左最基本既石鍋海鮮套餐粥底難得的多選擇，我見到南瓜就必叫的再配排骨 ，好夾味呢度店員很細心服務又好，因為平時自己蒸不到呢種剛好火喉既海鮮，店員都會親自調時間，由於佢地太有經驗了，即使食物大細都已知蒸既時間有不同，我地就安安樂樂咁坐著得食啦 😋首先上場的是蜆加蝦，蜆好大隻呀，仲有淡淡海水味，蝦肉鮮嫩有口感。接著有個鮑魚再配上蟲草花，第一次咁食，好味，原來可以咁夾埋食。仲有難得有桶蠔食，蒸得很到位，好特別用蒸既方法。經理都推介既自家製梅菜豬肉丸及墨魚丸 ，夲身都有味道 ，我沾少量醬油都已好食，好新鮮，讚👍🏻最後食埋個粥再配糖水作結。粥有埋海鮮既鮮味、呢樣才是我喜歡食蒸海鮮鍋的重點。飽了好滿足今餐。