新蒸武門 (已結業)

食得煎炸肥野多，間中都想試返d清清地嘅、健康d嘅野食。蒸同烚就一定係最健康嘅煮法啦，而呢間新蒸武門嘅大部分菜色都係用蒸嘅方法去煮，之前我食過佢嘅午餐，有蒸籠仔飯、蒸肉餅、蒸魚等等，全部都係家常小菜，而且味道都唔錯。今次就試試佢哋嘅晚餐。一黎到野食都未叫就有一人一杯八寶茶，入面真係有八種材料架！有菊花、紅棗、桂圓、杞子等等，呢杯茶聞落好清香，飲落甘甘甜甜，叫佢養生茶又得，開胃茶又得，其他地方真係飲唔到，幾特別！椰子雪耳燉雞（$42）睇圖都可見個湯係幾咁足料！係無落味精嘅老火燉湯呀！燒汁豬柳（$98）呢道菜係細份咗d，但味道真係唔錯，豬柳夠林又夠入味，仲有菇同三色椒，有肉有菜感覺好健康，又好送飯呢！金銀蛋肉碎浸時蔬（$85）其實就同平時食開嘅金銀蛋莧菜差唔多，但呢到就用娃娃菜（仲好我本身唔中意莧菜）。娃娃菜好甜，金銀蛋就好香，肉碎方面就用半肥瘦肉，都唔會好肥膩。同埋呢到真係全部野食都唔落味精，油鹽糖都少，所以味道會啖少少但就會好食到食材嘅原汁原味。籠仔蒸龍躉腩加炒飯（$168）午餐食過籠仔飯好味就當然要再試啦！晚餐嘅籠仔飯size大好多，仲要有龍躉食荷葉香真係無得頂！d飯都充斥住呢陣香味，