正宗水上人氣鍋專門店 (已結業)

今日一班同事講起食海鮮，即晚就搵海鮮食，其中一位同事即介紹一間蒸海鮮就一行幾人一齊去～地方大，坐位舒適！一坐低先睇餐牌！有套餐揀，或單點，我地就交比介紹來個位發板～花膠豬骨粥底，材料份量十足，已經好期待如果加左海鮮既精華係咩味道！加拿大象拔蚌刺身拼盤～大大片象拔蚌刺身，入口爽彈～其他刺身大件，亦都好新鮮～第一道己經好滿意～南非龍蝦～大大隻龍蝦，肉厚，入囗彈牙～蟲草花蒸鮮雞～雞肉嫩滑～粥底～好滑好綿，有海鮮既鮮味～一流～最後的甜品很特別，外表真係似實物，味道有點似可樂糖～這個海鮮粥底真的不錯，刺身和海鮮都好新鮮！價錢合理～