和三昧

營業中

休息中

朋友請食飯，話和三昧，不過我有覺得鐵板燒太油膩，佢話佢都成日食蒸和牛 ，都可以去試一試。好耐冇黎，環境裝修依然好有日本特色，仲有22樓高樓景觀，喺銅鑼灣區少有景觀。🍲 日本蒸A5和牛呢個真係亮點！兩人份有三大片，牛肉蒸得啱啱好，入口嫩滑，牛味香。唔想鐵板燒咁油，呢個都係一個非常好嘅選擇。份量雖然唔多，加埋蔬菜食完真係滿足，推薦必試！ 🍤 天婦羅天婦羅包括南瓜、菇同蝦，每樣都炸得好靚，外皮香脆，唔會過油。南瓜甜甜地，蝦新鮮彈牙，菇反而係我最鍾意。💡 小結：朋友請客，冇留意價錢，不過估唔到鐵板燒以外，其他嘅食物質素真係唔錯。地方乾淨企理，裝修有濃濃日本味，好似短暫飛咗一轉日本。