壹蒸鍋

今晚探望完媽媽，就去到兆萬中心壹蒸鍋，因為之前係Openrice 見到好多食評都話好味，加上上次試了樓上壹火鍋，覺得應該同一集團，所以訂了位和老婆去試我們六點二十分入座，每位$179，原來越早就越平，加$30仲有刺身任食。另外加了半隻龍蝦($60)試試。溫馨提示：如果想唔駛等位，最好六點四十五分到，因為七點後就滿座，八點後要等位，另外可以電話訂位我們叫了一些刺身在蒸鍋未到前食住先，有三文魚、鲍片、甜蝦、油甘魚。估唔到每種都好新鮮同鮮味😋😋，仲要解涷得好好👍👍我本來好心急，食緊刺身已經將火鍋紙交給侍應，點知侍應話食完刺身先將紙交給她，因為食完刺身，蒸氣鍋就上來，所以可以慢慢來，我覺得她們安排又幾好👏👏蒸氣鍋有貴妃蚌、蠔、班腩、鮑魚、蜆，每樣都新鮮，而我覺得最好係貴妃蚌同鮑魚，好鮮甜，另外加的龍蝦很新鮮和彈牙😋😋😋食完就打邊爐，我們叫了胡椒豬肚雞湯底，當個湯底滾起，嗅到好重胡椒味，裝了一碗湯，飲落覺得有一股暖流向胃部流去，個胃即時好舒服👍👍👍我們點了牛肉、脆肉魚腩、鵝腸、田雞、花膠、䐁肉、墨汁墨魚丸、菜心、蕃茄、響玲、粟米、海蝦。每種都好新鮮，我特別推介墨汁墨魚丸、鵝腸👍👍火鍋醬料有十多種