影片
更多
2015-11-11
521 瀏覽
朋友仔好耐無見, 難得有人生日, 又係時候約出黎見見面, 順便食餐好的放鬆下. 之前一直想試近期好受歡迎蒸氣石鍋, 聽好多朋友介紹潮福吾錯, 所以就同成班朋友仔去試下. 呢間潮福西環分店都算就腳, 港鐵西環站行5分鐘左右就到, 門面相當光猛及有大大招牌, 十分易搵.店內海鮮種類非常多, 魚蝦蟹貝殼當然吾少得, 仲有燒味同其他小菜. 款式太多吾知點揀, 可以直接去餐廳的海鮮櫃揀海鮮, 全部都明碼實價.商議後我地點左 蒜茸蒸龍蝦, 薑蔥蒸生蠔, 蒜茸蒸元貝, 蒜茸蒸聖子, 蒜茸蒸勝瓜, 蒜茸蒸茄子,蒜茸肉蟹蒸糯米飯, 手剁鮮蝦丸及清蒸和牛呢間餐廳最好的地方就係全程有侍應服侍, 侍應會建議食邊樣先, 又會逐碟將海鮮放入蒸籠及調較蒸煮時間, 全程吾使操心, 只係等食就可以了一開始蒸海鮮前, 侍應會將生米, 南瓜同排骨放入蒸籠下格, 用意係上層蒸海鮮時, 海鮮鮮甜的汁會滴落下格被米吸收, 吸收到不同海鮮精華濃湯煮出一煲非常美味的粥將會在今餐最後壓軸地出場講返海鮮, 最先出場的係薑蔥蒸生蠔, 每隻生蠔都差吾多有女仔手掌咁大, 蒸的時間岩岩好, 生蠔肥美多汁, 加上薑蔥已辟去腥味, 能夠深深感受到生
朋友仔好耐無見, 難得有人生日, 又係時候約出黎見見面, 順便食餐好的放鬆下. 之前一直想試近期好受歡迎蒸氣石鍋, 聽好多朋友介紹潮福吾錯, 所以就同成班朋友仔去試下. 呢間潮福西環分店都算就腳, 港鐵西環站行5分鐘左右就到, 門面相當光猛及有大大招牌, 十分易搵.
店內海鮮種類非常多, 魚蝦蟹貝殼當然吾少得, 仲有燒味同其他小菜. 款式太多吾知點揀, 可以直接去餐廳的海鮮櫃揀海鮮, 全部都明碼實價.
商議後我地點左 蒜茸蒸龍蝦, 薑蔥蒸生蠔, 蒜茸蒸元貝, 蒜茸蒸聖子, 蒜茸蒸勝瓜, 蒜茸蒸茄子,蒜茸肉蟹蒸糯米飯, 手剁鮮蝦丸及清蒸和牛
呢間餐廳最好的地方就係全程有侍應服侍, 侍應會建議食邊樣先, 又會逐碟將海鮮放入蒸籠及調較蒸煮時間, 全程吾使操心, 只係等食就可以了
一開始蒸海鮮前, 侍應會將生米, 南瓜同排骨放入蒸籠下格, 用意係上層蒸海鮮時, 海鮮鮮甜的汁會滴落下格被米吸收, 吸收到不同海鮮精華濃湯煮出一煲非常美味的粥將會在今餐最後壓軸地出場
講返海鮮, 最先出場的係薑蔥蒸生蠔, 每隻生蠔都差吾多有女仔手掌咁大, 蒸的時間岩岩好, 生蠔肥美多汁, 加上薑蔥已辟去腥味, 能夠深深感受到生蠔的海水味及鮮甜味.
下一道是蒜茸蒸龍蝦, 龍蝦亦都是十分新鮮, 肉質非常彈牙, 特別是將成隻龍蝦鉗肉放入口, 細嚼時肉同肉汁都充滿口中, 滿足感十足.
然後輪到蒜茸蒸元貝, 元貝勁大粒, 下面鋪左粉絲, 粉絲將蒜茸味同元貝的鮮味完全吸入晒, 無得輸.
之後是手剁鮮蝦丸, 外表平平無奇, 入口先知不同凡響. 先係肉質彈牙, 另外小小的丸入面竟然充滿左蝦味, 絕對係貨真價實蝦肉手打搓成.
食左咁多海鮮, 接下來係兩碟瓜菜清一清口腔.分別係蒜茸蒸勝瓜同蒜茸蒸茄子. 蒜茸蒸茄子口味清甜,不過不失.蒜茸蒸勝瓜偏苦, 有部份更有瘀爛, 令人失望
清蒸和牛, 肉色紅潤感覺新鮮, 雪花紋亦算均衡, 肉塊亦鋪排得漂亮. 另外每片牛肉不簿, 蒸的時間岩岩好, 令到咬落去時爽口彈牙, 細嚼下又感到鬆化的口感, 而且牛肉無醃過, 完全感受到最原本的牛肉味, 正.
接近尾聲, 出場的係蒜茸肉蟹蒸糯米飯, 一開始已經俾佢的震撼性的外表吸引住.巨型肉蟹十分有霸氣, 而蟹中間充滿蟹膏, 相當吸引. 加上餐廳廚師十分貼心的已經將蟹殼敲碎, 不費一點氣力已將蟹肉取出, 當蟹肉, 蟹膏, 蟹肉汁同糯米飯完全地融合埋一齊, 間直係完美的配合. 情不自禁地食左三碗了.
正當以為剛才的糯米飯已經為今餐畫上完美的句號時, 真正時主角現在先壓軸出場. 佢就係一開始提到的鍋底粥.一方面, 經過長時間的烹調,飯粒已經完全煮開, 相當綿滑, 另一方面, 一如所料的成鍋粥吸收左不同海鮮精華濃湯, 美味程度不能形容, 只能用行動去表示. 本來食完三碗糯米飯已經好飽, 但係面前出現如此美味的粥, 結果不知不覺地食左四碗! 今次真係飽到上心口!!!總括黎講, 今餐相當滿足, 價錢雖然唔平, 但係海鮮同其他食物都吾錯, 只係蔬菜類失手, 希望有改善.
題外話/補充資料：
雖然食物質素吾錯, 但係員工態度係真係吾多好. 話說我地叫了一"揸"竹蔗芧根, 點知我地不約而同咁聞到霉臭味. 我地同職員反映, 要求換其他飲品, 點知個侍應第一句就話"無可能", 然後話我地吾識飲, 好似我地未飲過竹蔗芧根咁, 吾肯幫我地換. 咁我地就同另一個著西裝的疑似高級反映問題, 點知佢聽完只係"哦"左一聲就走左, 仲以為佢係走左換其他野飲俾我地啦, 點知佢就無再返過黎, 之後我地再叫佢幾次, 但係佢竟然迴避我地的目光,扮睇吾到, 真係好失望, 咁大間餐廳, 竟然有咁的處理手法......
(以上食評乃用戶個人意見 , 並不代表OpenRice之觀點。)
張貼
