影片
更多
2017-06-28
5193 瀏覽
今日放工約左朋友係油麻地行現時點, 行左陣大家都冇收獲, 就周圍搵餐廳食晚餐附近有間小肥牛, 有龍蝦+鮑魚+蒸海鮮, 粥火鍋, 係4人套餐, 星期一至四只係$198一個人, 重要免加一茶介, 我地覺得好抵, 所以就衝左入去食本身一個餐已經有包左咁多樣海鮮, 唔使揀, 其餘重有打邊爐既料, 可以揀4款肉類, 5款蔬菜, 重有2款小食, 個木耳酸酸辣辣, 好味海鮮盤一黎到, 已經比個龍蝦吸引住, 好大隻首先店員係會幫你放哂D蜆, 貝, 青口 & 蝦入鍋, 蒸左5分鐘左右, 就食得啦蜆同貝都好鮮甜, 冇沙, 同埋唔會太細隻, 份量適中。蝦好爽口, 食得出新鮮, 肉質夠實食完頭一輪既海鮮, 之後店員就會放粥膽, 再加埋龍蝦同鮑魚, 一齊落去蒸又隔左5-6分鐘, 就可以食龍蝦先啦見到D膏好多, 肉質爽口, 夠大隻, 好好味之後就食鮑魚, 亦都食得出好新鮮, 鮮甜最後放既海鮮係深海魚件, 似係鱈魚/比目魚, 好滑, 入口即溶, 呢個係有驚喜的, 好小蒸海鮮會有得食4款肉類: 我地揀左安格斯牛肉粒, 墨魚丸, 牛舌片 & 花膠件花膠件同牛舌片係出面打爐都係比較少見, 花膠都幾大舊, 滾到咁上下, 林
附近有間小肥牛, 有龍蝦+鮑魚+蒸海鮮, 粥火鍋, 係4人套餐, 星期一至四只係$198一個人, 重要免加一茶介, 我地覺得好抵, 所以就衝左入去食
本身一個餐已經有包左咁多樣海鮮, 唔使揀, 其餘重有打邊爐既料, 可以揀4款肉類, 5款蔬菜, 重有2款小食, 個木耳酸酸辣辣, 好味
海鮮盤一黎到, 已經比個龍蝦吸引住, 好大隻
首先店員係會幫你放哂D蜆, 貝, 青口 & 蝦入鍋, 蒸左5分鐘左右, 就食得啦
蜆同貝都好鮮甜, 冇沙, 同埋唔會太細隻, 份量適中。蝦好爽口, 食得出新鮮, 肉質夠實
食完頭一輪既海鮮, 之後店員就會放粥膽, 再加埋龍蝦同鮑魚, 一齊落去蒸
又隔左5-6分鐘, 就可以食龍蝦先啦
見到D膏好多, 肉質爽口, 夠大隻, 好好味
之後就食鮑魚, 亦都食得出好新鮮, 鮮甜
最後放既海鮮係深海魚件, 似係鱈魚/比目魚, 好滑, 入口即溶, 呢個係有驚喜的, 好小蒸海鮮會有得食
4款肉類: 我地揀左安格斯牛肉粒, 墨魚丸, 牛舌片 & 花膠件
花膠件同牛舌片係出面打爐都係比較少見, 花膠都幾大舊, 滾到咁上下, 林身就可以食, 牛舌切到薄片, 好快變左色就食得, 爽口
安斯牛肉粒食到有濃濃既牛味. 墨魚丸最出色, 入面有一粒粒墨魚, 食落好香, 夠爽
5款蔬菜: 油麥菜, 秀珍菇, 南瓜片, 蘿白片, 蜂巢豆腐
最喜愛既蜂巢豆腐, 吸哂D海鮮既精華, 好好味
當日既油麥菜都好新鮮, 好嫩
最後食埋個粥, 個粥重有頭先第一輪食蜆同貝既鮮甜味, 煲到好綿啊, 我地4個女仔食埋個粥, 就飽了
特別推介大家叫佢地自家制既飲品, 當日係玫瑰綠茶, 好香既玫瑰味, 綠茶都好夠濃, 雪到勁凍. 解渴真係一流, 加上佢唔係太甜, 飲落岩岩好, 值得一讚
呢個餐好抵食, 食物材料亦都唔差, 下次會再同朋友黎食
張貼
